唔用安全套嘅男人都系败类

冇钱都可以快乐啦，捉鱼逗猫吸花蜜，边个唔可以玩啊。

    但系呢点我由细玩到大啊，我话俾阿妈知，阿妈话你食唔食鷄蛋啊。

    我话食。

    细佬仔食只鷄蛋就可以忘记所有嘅嘢。

    但系我阿妈唔知道，人系犯贱嘅生物来嘅，又或者我阿妈一世要犯的贱已经犯完咗。

    我仲系一个细佬仔，我一个贱都仲未犯过。

    呢啲唔啱嘅，我需要犯贱啊。

    唔犯贱点称得上系人啊。

    在我应该要上小学五年级嗰阵，突然来咗一个转学生，听佢哋讲，嗰个转学生好白好净好斯文，仲读咗好多书，讲普通话嚟嘅。

    讲普通话。

    在呢个地方，冇人讲普通话嘅，一个人都冇。

    但系因爲呢个转学生，大家都开始学着讲普通话，佢哋口音超极蹩脚，蹩脚到乜程度嘞，冇人能聴懂，佢哋自己都唔知自己讲嘅系乜，但系转学生知。

    我都唔明点解佢知。

    可能系因爲佢系创始人嚟嘅，佢创造咗一种语言，虽然唔实用，但系光创始人呢一个名头，就足以被所有人崇拜同炫耀啦。

    我哋呢个村，唯有我阿妈对呢件嘢嗤之以鼻，佢话：普通话系乜啊，普通话乜都唔系。

    新鲜常常维持不了多久，冇几天，因爲极其扰乱课堂秩序，普